Կատարի Պետությունում ՀՀ դեսպան Գեղամ Ղարիբջանյանի հանդիպումը Կատարի Խորհրդակցական խորհրդի նախագահի հետ

15 հունվարի, 2020

Հունվարի 15-ին Կատարի Պետությունում ՀՀ դեսպան Գեղամ Ղարիբջանյանը հանդիպել է Կատարի Խորհրդակցական խորհրդի նախագահ Ահմադ բին Աբդալլահ բին Զայեդ Ալ Մահմուդի հետ։

Դեսպան Ղարիբջանյանը Ահմադ բին Աբդալլահին է փոխանցել ՀՀ ԱԺ նախագահ Արարատ Միրզոյանի շնորհավորական նամակը Կատարի Ազգային տոնի կապակցությամբ և վերահաստատել է նրան հասցեագրված Հայաստան այցելելու ՀՀ ԱԺ նախագահի հրավերը։

Կողմերը պայմանավորվել են ակտիվացնել փոխադարձ այցելությունների ուղղությամբ տարվող աշխատանքները և քննարկել են խորհրդարանական հարաբերությունները խթանելու և զարգացնելու հեռանկարները։

Ահմադ բին Աբդալլահն իր հերթին ՀՀ դեսպանին է փոխանցել ՀՀ ԱԺ նախագահ Արարատ Միրզոյանին ուղղված իր ողջույնները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր