Հանդիպում Կատարի հիմնադրամի գործադիր տնօրեն Ալ-Նաուար Ալ-Խուլեյֆիի հետ

09 մարտի, 2020

2020թ․ մարտի 9-ին ՀՀ դեսպան Գեղամ Ղարիբջանյանը հանդիպում է ունեցել Կատարի հիմնադրամի տնօրենների խորհրդի նախագահի գրասենյակի ղեկավար, գործադիր տնօրեն Ալ-Նաուար Ալ-Խուլեյֆիի հետ։ ՀՀ դեսպանն Ալ-Խուլեյֆիին է հանձնել Կատարի հիմնադրամի տնօրենների խորհդրի նախագահ Շեյխա Մոզա բինթ Նասերին հասցեագրված ՀՀ նախագահ Արմեն Սարգսյանի նամակ-հրավերը՝ մասնակցելու 2020թ․ հունիսի 6-ից 8-ը Երևանում և Դիլիջանում կայանալիք «Մտքերի գագաթնաժողովին»:
Զրուցակիցները անդրադարձ են կատարել 2019թ․ նոյեմբերին ՀՀ նախագահի և Շեյխա Մոզայի միջև կայացած հանդիպմանը։ Դեսպան Ղարիբջանյանը մասնավորապես նշել է, որ Հայաստանը հետաքրքրված է Հայաստանում կատարական կողմից բժշկական կամ գիտահետազոտական կենտրոնի հիմնադրմամբ։ Ալ-Խուլեյֆին տեղեկացրել է, որ կատարական կողմը ներկայումս քննարկում է վերոնշյալ կենտրոնի հիմնման հնարավորությունը։
Երկուստեք ընդգծվել է գիտության, կրթության ու մշակույթի ոլորտներում երկու երկրների միջև առկա համագործակցության մեծ ներուժը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր