Հանդիպումը Կատարի ներդրումների մարմնի տարածաշրջանային պատասխանատու շեյխ Ֆեյսալ բին Թանի Ալ Թանիի հետ

01 մարտի, 2020

2020թ․ մարտի 1-ին ՀՀ դեսպան Գեղամ Ղարիբջանյանը հանդիպում է ունեցել Կատարի ներդրումների մարմնի տարածաշրջանային պատասխանատու շեյխ Ֆեյսալ բին Թանի Ալ Թանիի հետ։ ՀՀ դեսպանը Ֆեյսալ Ալ Թանիին է փոխանցել վերջինիս հասցեագրված ՀՀ նախագահ Արմեն Սարգսյանի նամակ-հրավերը՝ մասնակցելու 2020թ․ հունիսի 6-ից 8-ը Երևանում ու Դիլիջանում կայանալիք «Մտքերի գագաթնաժողովին»։

Ֆեյսալ Ալ Թանին շնորհակալություն է հայտնել ՀՀ նախագահի հրավերի համար: Կողմերը մտքեր են փոխանակել համատեղ ներդրումային ծրագրերի ու երկու երկրներում ներդրումային միջավայրի շուրջ։ Անդրադարձ է կատարվել նաև ՀՀ նախագահի և Ֆեյսալ Ալ Թանիի միջև 2019թ․ դեկտեմբերին կայացած հանդիպմանը, քննարկված համատեղ հետաքրքություն ներկայացնող մի շարք հարցերի։

Ֆեյսալ Ալ Թանին նշել է, որ ներկայումս Կատարի ներդրումների մարմինը ուսումնասիրում է մի շարք ներդրումային ծրագրեր ու հայտնել է կատարական կողմի պատրաստակամությունը ապագայում դրանք Հայաստանում իրականացնելու նպատակով։

Դեսպան Ղարիբջանյանը շնորհավորել է կատարական կողմին՝ 2020թ․ փետրվարի 29-ին ԱՄՆ-ի և Թալիբանի միջև խաղաղության հաստատման նպատակով Կատարի գործադրած ջանքերը հաջողությամբ պսակվելու կապակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր